ညီမလေးရေ..
မနိုင်မှန်းသိလျှက်ဆက်တိုက်နေတာ
သတ္တိရှိတာမဟုတ်ဘူး
မိုက်ရူးရဲဆန်မှုသက်သက်ပဲ တဲ့
အဖြေဟာဒါပဲဆိုတာ သိသာလှပေမယ့်
ကိုကိုကတော့ဆက်မိုက်နေမိတယ်
ပြဒါးတစ်လမ်းသံတစ်လမ်းဖြစ်နေတဲ့
ကိုကိုတို့ရဲ့ဘ၀တွေ
တစ်ချိန်ချိန်မှာထပ်တူကျရမယ်ဆိုတဲ့
မရေရာတဲ့မျှော်လင့်ချက်နဲ့ပေါ့ ။
အဲဒီအချိန်
ခက်ခဲကြမ်းတမ်းခရောင်းလမ်းကို
ဖျတ်ခနဲဆို
ကိုကိုပန်းကြဲပစ်လိုက်မယ်။
အဲဒီနောက်
ရင်ထဲကအင်ဂျင်ကို
လောင်စာဆီအပြည့်ဖြည့်ပြီး
လမ်းလွှဲဆိုတဲ့သင်္ကေတမှန်သမျှ
အမြစ်ပြတ် ဖြတ်တိုက်ပစ်လိုက်မယ်
ထပ်တူဘ၀တွေ
အမြဲတည်စေဖို့ပေါ့.....။
No comments:
Post a Comment